Pas 30 javëve të sezonit të rregullt të Euroleague-s, në turneun numër një për klube në basketbollin e meshkujve në Europë marrin udhë ndeshjet e playoff-it, që si përfundim të tyre kanë 2 majin.
Tetë skuadrat e renditura më mirë pas një seri të gjatë ndeshjesh do të ndeshen në katër çifte mes tyre për të përcaktuar katër skuadrat që do të luajnë në finalet e Stambollit.
Më e para ndeshje që nis në playoff është ajo e kryeqytetit rus, kur CSKA-ja e Moskës do të ndeshet sonte në orën 19:00 me Baskonia Vitoria Gasteiz.
Vetëm një orë më vonë, në Athinë do të ndeshen Panathinaikosi me Fenerbahçen, në një përplasje që gjithmonë ka krijuar emocion.
Të mërkurën, po në Athinë, do të ketë një tjetër përballje greko-turke kur Olimpiakosi të përballet me Anadollu Efesin.
Në Madrid, në të njëjtën mbrëmje e një orë më tutje, në 21:00, Reali do të ketë për kundërshtarë turqit e Darushafakasë. /tesheshi.com/
