Në Dubai, treni më i shpejtë se avioni (video)

Emiratet Arabe e shikojnë të ardhmen me një sistem inovativ të transportit. Dubai është gati për të testuar trenin e parë, i cili do të jetë më i shpejtë se një avion. Më 8 nentor, shoqëria amerikane Hyperloop One dhe autoriteti i rrugëve në Dubai kanë firmosur një marrëveshje për ndërtimin e një sistemi transporti supersonik, i cili do të lidhë dy qytetet më të rëndësishme të Emirateve: Dubain dhe Abu Dabin për vetëm 12 minuta.

Kur kjo gjë të realizohet do të jetë një risi e jashtëzakonshme, duke marrë parasysh se me makinë distanca prej 150 kilometrash që ndan dy qytetet bëhet për rreth një orë e 50 minuta.

Hyperloop është një projekt i nisur në vitin 2013 nga Elton Musk, themeluesi i Tesla Motors dhe SpaceX. Deri më tani janë firmosur 6 marrëveshje, nga të cilat një në Kaliforni dhe një tjetër në Sllovaki. Ky transport i ri i të ardhmes konsiston në lëshimin e kapsulave me shpejtësi më të madhe se 1000km/h (hyperpods) brenda një tubi të boshatisur dhe të ushqyer me panele diellore. Një kapsulë do të mund të transportojë në të njëjtën kohë persona dhe mallra./tesheshi.com/