Anëtarët e Bashkimit Evropian kanë bërë përparim në bashkërendimin e një qasjeje të përbashkët për masat e kufizimit të udhëtimit nën pandemi ende aktive, zbuloi një diplomat evropian.
Sipas propozimit të kompromisit të Gjermanisë, presidencës së BE, anëtarët mund të bien dakord për një hartë të përbashkët në të cilën rajonet e vendeve anëtare të Unionit do të shënoheshin me jeshile, portokalli ose të kuqe, varësisht nga intensiteti i përhapjes së COVID-19.
Drafti i propozimit, i cili iu paraqit dpa-së, u diskutua nga të dërguarit e BE-së të mërkurën. Nëse ata arrijnë një marrëveshje të premten, dokumenti mund të miratohet nga ministrat e Jashtëm të Martën.
Diplomati evropian i përshkroi negociatat si “me të vërtetë produktive”.
“Janë gjetur zgjidhje të mira edhe për çështje të vështira të tilla si analiza e përbashkët e të dhënave dhe hartëzimi i përbashkët,” tha diplomati.
Sipas propozimit, anëtarët e bllokut nuk do të kufizojnë më udhëtimet në rajone të gjelbërta me nivele të ulëta të infeksionit me koronavirus.
Sidoqoftë, vendet mund të prezantojnë rregullat e tyre për udhëtimet, karantinën dhe testimin e koronavirusit për rajonet portokalli dhe të kuqe.
Po diskutohet gjithashtu për të përjashtuar punëtorët sezonalë, diplomatët dhe gazetarët nga masat e kufizimit të udhëtimit.
Ministrja austriake e Turizmit, Elisabeth Koestigner tha se qëllimi është të hartohen masa të krahasueshme në të gjithë Evropën.
Vjena po kryen negociata dypalëshe intensive me Berlinin mbi një “zgjidhje praktike” ndaj paralajmërimeve gjermane për udhëtime në rajonet kryesore turistike austriake, u tha Koestinger gazetarëve në Vjenë.
Gjermanët përbënin më shumë se gjysmën e mysafirëve në Austri sezonin e kaluar të skive. /tesheshi.com/
