Bullgarët u janë drejtuar sot kutive të votimit për të vendosur mbi qeverisjen e tyre të re. 13 parti janë në garë për 240 vende në parlament. 6.5 milionë është numri i votuesve të regjistruar, ndërkohë që pritet një pjesëmarrje diku te 65 për qind.
Sipas anketimeve, GERB-i, partia e qendrës së djathtë e ish-kryeministrit Boiko Borisov, udhëheq me një diferencë të vogël kundrejt socialistëve të BSP-së. Nuk pritet që ndonjë subjekt politik të fitojë aq sa të mund të qeverisë i vetëm.
Popullariteti i socialistëve, thotë Reuters, ka njohur rritje që prej zgjedhjes president në nëntor të kandidatit të tyre, Rumen Radev-it.
Kryeministri Borisov do të jepte dorëheqjen pas kësaj fitoreje, duke e çuar vendin për herë të tretë në zgjedhje parlamentare brenda katër viteve.
GERB-i ka një qasje të fortë pro BE-së, ndryshe nga BSP-ja, që ka premtuar përmirësim të marrëdhënieve me Rusinë. /tesheshi.com/
