I ngjan një sfilate mode, por nuk është aspak e tillë. Fëmijë të braktisur të moshave nga 4 vjeç e sipër i janë ekspozuar një parade në prani të disa personave që pretendonin të adoptonin fëmijë nga jetimorja e qytetit Cuaiba në Brazil.
Së paku 18 fëmijë i ishin ekspozuar këtij trilli psikologjik nga ana e drejtuesve të jetimores, të cilët zgjodhën një qendër tregtare për ta realizuar prezantimin e fëmijëve.
Reagimet e medias dhe shoqërisë civile ishin të shpejta, dhe pati nga ata që këtë veprim e quajtën “treg skllevërish”.
Megjithëse shtëpia e jetimores e kishte mbrojtur veten duke thënë se “janë serioz në punën e tyre”, rasti nuk shpëtoi pa vërejtje edhe nga autoritetet shtetërore.
Megjithatë, pati reagime të tilla që thanë edhe se veprimi nuk duhet të shihet si i “njëanshëm” por duhet të merret në konsideratë edhe si shenjë e ngritjes së vetëdijes për adoptimin. /tesheshi.com/
