Shkencëtarët kanë qenë në dilemë për vite me radhë mbi “veçantinë” gjenetike të një numri të vogël orangutangësh në Sumatra të Indonezisë dhe kanë arritur në përfundimin se ato janë specie të reja për shkencën.
Majmunët në fjalë u raportuan të ekzistojnë vetëm pas një ekspedite në pyjet malore të largëta atje në vitin 1997.
Që atëherë, një projekt kërkimor ka zgjidhur sekretin e tyre biologjik. Lloji është quajtur orangutang Tapanuli – një specie e tretë përveç Bornean dhe Sumatran.
Ky është majmuni i parë i ri që zbulohet për gati një shekull.
Një nga hulumtuesit kryesorë, Prof Michael Krützen nga Universiteti i Cyrihut, Zvicër, i shpjegoi BBC News: “Analiza gjenomike me të vërtetë na lejon të shohim në detaje në histori. Mund të hetojmë thellë në kohë dhe të pyesim,” kur u ndanë këto popullime?”.
Pas analizimit të gjeneve të rreth 37 majmunëve-kodi i përbërjes biologjike të çdo kafshe- ka treguar se ata u ndanë nga të afërmit e tyre të Borneanit më pak se 700.000 vjet më parë./tesheshi.com/
