Ministrit të Punëve të Jashtme, Behgjet Pacolli, i është pamundësuar pjesëmarrja në Beograd në kuadër të diskutimeve për Proçesin e Berlinit për vendet e Ballkanit Perëndimor, pjesë e të cilit është edhe Kosova.
“Ne nuk kemi pranuar ftesë për të marrë pjesë në këtë Forum. Për pasojë, çdo pyetje në lidhje me të ftuarit, temat e debatit, pengesat eventuale për pjesëmarrësit do të duhej t’i adresoni tek organizatorët”, ka thënë Zyra për informim në MPJ për “Koha Ditore”.
Por, sipas organizatorit të konferencës- Forumi për Siguri në Beograd (BSF), ftesa nuk është dërguar në mungesë të një marrëveshjeje zyrtare mes Prishtinës dhe Beogradit, ku Pacolli do të ishte panelist bashkë me ministrat e Jashtëm nga Serbia dhe Bosnje, si dhe përfaqësues të Komisionit Evropian. /tesheshi.com/
