Rreth 10,000 deve të egra do të vriten në Australinë e Jugut, pasi konsumojnë shumë ujë dhe shkaktojnë dëme të konsiderueshme në zonat e populluara.
Një zyrtare lokale, Marita Baker, foli në lidhje me këtë duke thënë: “Ne nuk ndjehemi mirë sepse devetë vijnë, kalojnë gardhe dhe arrijnë të hyjnë deri në shtëpi. Ata madje përpiqen të pinë ujë nga frigoriferi”, tha Baker.
Vrasja e deveve do të fillojë nesër, dhe procesi duhet të zgjasë pesë ditë.
Departamenti i Mjedisit dhe Ujit të Australisë së Jugut (DEW) vlerëson se rreth dhjetë mijë deve të egra në zonë po nxitojnë drejt burimeve ujore, përfshirë burimet dhe rezervuarët.
Departamenti thotë se mijëra deve kanë dëmtuar infrastrukturën rrugore dhe përbëjnë një kërcënim për vendbanimet dhe popullsinë.
U tha gjithashtu se disa deve ngordhën nga etja ose u hodhën mbi njëra-tjetrën ndërsa përpiqeshin të arrinin te uji.
Vlerësohet se ka më shumë se 1.2 milion deve të egra në të gjithë Australinë. /tesheshi.com/
