Falë aplikacionit Google Maps, policia italiane kapi një mafioz i cili ishte në arrati prej gati 20 vitesh.
Gioacchino Gammino, 61 vjeç, jetonte me një emër të rremë në Galapagara, Spanjë.
Hetuesi pa një burrë përpara dyqanit në Google Maps, i cili i ngjante atij.
“Ne kemi konfirmuar rezultatet e hetimit me një fotogram”, tha Nicola Altiero, zëvendësdrejtor i Zyrës Rajonale Italiane për Luftën kundër Trafikut të Drogës (DIA), shkruan CNN.
Gammino, një anëtar i një grupi mafioz sicilian të quajtur Stidda, u arratis nga një burg në Romë në vitin 2002 dhe në vitin 2003 u dënua me burgim të përjetshëm për një vrasje që kishte kryer disa vite më parë.
Altiero tha se Gammino është aktualisht në paraburgim në Spanjë dhe se ai shpreson të sillet në Itali deri në fund të shkurtit. /tesheshi.com/
