Ushtria britanike nga nëntori i këtij viti do të heqë ndalesën për pjesëmarrjen e femrave në luftëra. Ky është një vendim që do t’u lejojë femrave të shërbejnë në vijën e parë të frontit.
Ministria ka deklaruar se vendimi është marrë duke u bazuar në vlerësimin mjekësor të aftësive fizike dhe psikike të femrave për pjesëmarrje në luftëra.
Kryeministri Cameron ka përshëndetur vendimin dhe ka bërë thirrje për implementimin e tij sa më të shpejtë.
Ky ndryshim vjen menjëherë pasi SHBA-të kanë njoftuar në dhjetor të vitit të kaluar, se do të hapen vende për të gjitha rolet ushtarake edhe për femra.
Femrat të cilat marrin pjesë në forcat ushtarake në vijën e parë të frontit, shërbejnë tashmë në ushtrinë kanadeze dhe atë izraelite, ndërsa India ka bërë rekrutimin e pilotëve të parë luftarakë femra në qershorin e këtij viti.
Korpusi i blinduar mbretëror dhe regjimenti i veturave të blinduara do të jenë të parët që do të lejojnë femrat ushtarë që të marrin pjesë në vijën e parë të frontit, ndërkaq gjatë tri viteve të ardhshme do të çelen gradualisht edhe në njësitet tjera. /tesheshi.com/
