Mësuesit tani e turje do të emërohen apo largohen nga puna jo nga një komision vlerësimi por nga drejtori i drejtorisë arsimore apo drejtori i shkollës. Ligji në fuqi (i miratuar në vitin 2012 me konsensusin e shumicës dhe opozitës së asaj kohe) parashikon përfshirjen e mësuesve dhe prindërve në procesin e marrjes në punë të mësuesve të rinj përmes “komisionit të vlerësimit”, i cili përbëhet nga 2 mësues të shkollës, 2 përfaqësues të prindërve dhe 1 përfaqësues nga drejtoria arsimore.
Ky komision, pasi vlerëson kandidaturat për mësues, propozon kandidatët më të mirë tek drejtori i shkollës, i cili më pas vendos se kush prej tyre do të punësohet si mësues i shkollës. Gjithashtu ligji në fuqi detyron drejtorin e shkollës që përpara se të largojë nga puna një mësues të konsultohet me komisionin e vlerësimit. Në ndryshimet që propozohen tani (neni 60), komisioni i vlerësimit nuk ekziston më, duke berë që marrja në punë e mësuesit, sikundër edhe largimi i tij nga puna, të mbetet vetëm në dorë të drejtorit të shkollës.(tesheshi.com)
