Edi Rama bën disa lëvizje në kupolën e PS-së, ku thelbi i tyre duket se është emërimi i numrit dy të qeverisë në postin më të lartë, atë të burimeve njerëzore, përkthyer si përzgjedhëse e njerëzve që do të emërohen në qeverisje dhe në krye të PS-së.
Senida Mesi është emëruar sekretare për burimet njerëzore, post që nuk ka ekzistuar deri tani në PS, por që ex officio e ka pasur Taulant Balla.
Lëvizja tjetër e rëndësishme në krye të PS-së është afrimi i Arben Pëllumbit, të birit të ish-numrit dy të PS-së, Servet Pëllumbi në postin kyç të organizimit, post që deri tani e ka mbajtur Bashkim Fino.
Ky i fundit është vendosur në një post honorifik si numri dy i Asamblesë Kombëtare, një rol që i përshtatet një figure të vjetër dhe mbi palët por jo ekzekutive.
Musa Ulqini, i cili mbante postin e Sekretarit për Marrëdhiet me Koalicionin dhe burimet njerëzore është larguar fare nga kryesia.
Kurse Ilir Beqaj është afruar prap në kryesi, duke i dhënë postin e Sekretarit Dixhital që e ka mbajtur Alfred Peza.
Ky i fundit, i cili nuk është deputet, tani do të jetë një lloj zëdhënësi i PS-së, që do të mbajë relacionet me mediat dhe shoqërinë civile.
Është afruar Teuta Voda, numri dy i Drejtësisë, i cili është “Ministrja e Jashtme” në hije e PS-së si Sekretare e Marrëdhënieve Ndërkombëtare.
Ndërkaq, Petro Koçi, ka hedhur një hap drejt kupolës së PS-së, duke u emëruar zv.Sekretar për Bashkëqeverisjen, post që do të vazhdojë ta mbajë Erisa Spiropali.
Ulsi Manja dhe Vasilika Hysi, të cilët kanë poste kyçe në Kuvend, njëri kreu i Komisionit të Ligjeve dhe tjetra nënkryetare e Kuvendit, janë kooptuar në kryesi, çka u jep më fuqi vendimarrëse.
Të gjitha emërimet:
Bashkim Fino- n/Kryetar i Asamblese Kombëtare
Ulsi Manja dhe Ermonela Felaj – anetarë të rinj të Kryesisë
Arben Pëllumbi – Sekretar për Organizimin
Shpat Kolgega – Zv.Sekretar për Organizimin
Blerina Gjylameti – Sekretare për Org. Elektoral
Ermira Rusi – Zv/Sekretare për Org. Elektoral
Senida Mesi – Sekretare për Burimet Njerëzore
Ilir Beqja – Sekretar Dixhital
Laert Duraj – Sekretar për Emigracionin
Elisa Spiropali – Sekretare e Bashkëqverisjes
Petro Koçci – Zv/Sekretar i Bashkëqeverisjes
Bledi Çuçi– Sekretar për Çështjet zgjedhore
Teuta Voda – Sekretare për Marrëdhëniet Ndërkombëtare
Alfred Peza– Sekretar për Marrëdhëniet me mediat e shoqëri civile
/tesheshi.com/
