Shqiptarët nuk e shohin më Serbinë si kërcënimi i parë ndaj integritetit nacional. Sipas një sondazhi të kryer në Shqipëri, Greqia është konsiderueshëm më i rrezikshëm se ai i sllavëve.
Ky sondazh është publikuar sot gjatë inagurimit të qendrës për marrëdhëniet Shqiptaro-Serbe.
Një kuotim më të lartë kanë marrëdhëniet mes dy qeverive. 54.7% e të pyeturve thonë se marrëdhëniet mes Beogradit zyrtar dhe Tiranës zyrtare i shohin si “normale” marrëdhëniet, ndërsa 18.8% si “të këqija”.
Në shumicë dërrmuese, të anketuarit kanë besimin se marrëdhëniet do të përmirësohen në të ardhmen, ndërsa surprizuese është bindja e qytetarëve shqiptarë, në mbi 90%, se kjo është në të mirë të të dyja vendeve.
Shqiptarët shohin Greqinë si kërcënimin e tyre të pare. 31.6% e të anketuarve e mendojnë këtë, ndërsa Serbinë e shohin të dytën në listën e disa vendeve të përfshira në anketim me 27.8%.
Qytetarët shqiptarë besojnë në shumicën e tyre se mes Shqipërisë dhe Serbisë janë tashmë kushtet për ndërtimin e marrëdhënieve miqësore, por shumica dërrmuese e të anketuarve, në masën 72%, nuk ka asnjë dyshim se përgjegjëse për ndeshjen ishte Serbia.
Qendra shqiptaro-serbe zyrtarizon bashkëpunimin e shoqërisë civile në Tiranë e Beograd dhe konkretisht bashkëpunimin mes Institutit të Studimeve Ndërkombëtare nga Shqipëria dhe Lëvizjen Europiane të Serbisë. Kjo me bindjen se vetëm bashkëpunimi kapërcen ngërçin e mungesës së komunikimeve të së shkuarës.
“Ky instrument do të ndihmojë në përmirësimin e klimës në marrëdhënet mes dy vendeve”, u shpreh Albert Rakipi nga Instituti për Studime Ndërkombëtare. /tesheshi.com/
