Shpeshherë ngatërrohet soda e bukës me pluhurin për pjekje dhe si pasojë ngatërrojnë dhe se kur duhet përdorur njëra e kur duhet përdorur tjetra.
Çfarë është soda?
Soda e bukës është një agjent që shërben për fryrje. Aftësia e saj për të fryrë brumin vjen si pasojë e bashkimit të saj me ushqime me acide si bulmetet, limoni apo uthulla.
Soda përdoret për lloje të ndryshme keku dhe biskota. Mirëpo duhet hedhur me kujdes dhe duhen lexuar mirë recetat sepse nëse i hedhim më shumë sodë se sa duhet atëherë ushqimi do të ketë një shije pak të hidhur.
Çfarë është pluhuri për pjekje?
Është një agjent i ngjashëm me sodën që shërben për fryrje, por me ndryshim se i është shtuar edhe një përbërës acidi si tartari. E përdorim zakonisht për bukë dhe kulaçka por dhe për ëmbëlsira si mufin apo kek, por jo kur përdorim aciditete si për shembull kek me limon apo me portokall. Në ndryshim nga soda, pluhuri për pjekje ka efekt të dyfishtë fryrje.
Mund të përdoren dhe të dyja ose njëra në vend të tjetrës. Por ky përdorim duhet bërë me kujdes dhe duke lexuar me vëmendje recetat. /tesheshi.com/
