Teksa liderët botërorë javën tjetër takohen në Nju Jork për Samitin e OKB-së për Klimën, miliona të rinj anembanë botës sot do të lënë mësimin, në kërkim të masave më të ashpra kundër ndryshimeve klimatike.
Protestat e frymëzuara nga 16-vjecarja suedeze Greta Thunberg e cila do të marrë pjesë në konferencë, pritet të zhvillohen në 150 shtete.
“Shpejt, dielli do të shndris në të premten e 20 shtatorit 2019. Paçi fat Australi, Filipine, Japoni dhe Ishuj Paqësor. Ju protestoni të parët!” shkroi Thunberg në llogarinë e saj të rrjeteve sociale.
Protestat do të zhvillohen në kryeqytetet e mëdha evropiane si Londra, Parisi dhe Berlini. /tesheshi.com/
