Një fotografi e publikuar disa ditë më parë ka bërë xhiron e internetit. Bëhet fjalë për atë fotografi të shkrepur në fund të gushtit nga fotografja Kerstin Langenberger, në arkipelagun norvegjez të Svalbard.
Në pamje duket një ari polar, i dobësuar, i cili duket di i tretur dhe me dhimbje në këmbë. Është pikërisht nga kjo fotografi prej ku ka nisur debati shkencor në lidhje me efektet e ndryshimit të klimës tek ‘banorët’ e zonës polare në artik.
Ngrohja globale e tokës është duke ndryshuar rrënjësisht paketën ushqimore, e cila është shumë e rëndësishme edhe për riprodhimin e banorëve të këtyre zonave. Pra, siç duket, mund të kuptohet qartësisht dhe shumë lehtësisht se si ndryshimi i klimës dhe paketës ushqimore vë në rrezik këta arinj polarë./tesheshi.com/
