Në një reagim të radhës lidhur më ndryshimet e pritshme në kabinetin Rama, ku veçohet ikja e ministrit të Rendit, Saimir Tahiri, kreu i PD-së Basha nuk lëvizi nga qëndrimi i tij se kjo nuk mjafton.
“Jemi mbledhur për një mision të ndershëm dhe jo për të parë se si padrino shkarkon ministrat. Ne kërkojmë largimin e vetë padrinos. Bashkimi i shqiptarëve rritet nga ora në orë dhe nuk ka zgjedhje të lira dhe të ndershme me Ramën kryeministër. Nuk tërhiqemi nga qëndrimi ynë”, tha kreu demokrat.
“Çdo përpjekje për shkarkimin e ministrave e për të shkarkuar përgjegjësinë tij, është një farsë, sepse ne nuk ndryshojmë qëndrimin tonë për një qeveri teknike për zgjedhje të lira dhe të ndershme. Tani për pushtetin e tij ai po sakrifikon shërbëtorët e tij dhe asgjë për qytetarët dhe shqiptarët. Të gjithë jemi këtu, jo për të marrë, por për të dhënë, që Shqipëria të jetë më e sigurt, të ketë më shumë vende pune. Të gjithë këtu jemi për një Shqipëri ndryshe dhe ndryshe si më parë me Republikën e Re”, shtoi më pas Basha. /tesheshi.com/
