Futbolli po ndryshon, por sistemi VAR mund të jetë vetëm fillimi i një revolucioni të madh. Me polemika, me dyshime, me kundërshti, ky sistem po hyn gjithnjë e më tepër “në zemër” të futbollit.
Por një nga gjërat që po “bezdis” disi arbitra e lojtarë, është vonesa që shkakton marrja e një vendimi pasi video asistent-i verifikon momentin. Kjo kohë përflitet se nuk llogaritet saktë nga arbitrat, në shtimin e minutave pas 90 të tillave.
Prandaj organizmat e futbollit do të diskutojnë vitin e ardhshëm dicka krejt të re: ndeshjet të luhen me 2 pjesë nga 30 minuta, por në rast të marrjes së vendimit sipas sistemit VAR, në rast ndërrimesh, apo ndalimit të lojës për shkak të dëmtimeve të lojtarëve, koha ndalon…dhe rifillon me fillimin e lojës. Pak a shumë si në basketboll.
Ideja është mirëpritur nga shumë federata futbolli, e mund të marrë udhë, që në Botërorin e Rusisë në verën e 2018- ës. E nëse ndodh, ky do të jetë një ndryshim epokal i sportit më të ndjekur të planetit. /tesheshi.com/
