Qytetarët francezë janë duke rritur mendimet e tyre pozitive në lidhje me popullsinë myslimane, sipas një sondazhi të Pew Research Center surve. Ky mendohet se është një trend inkurajues gjatë këtyre muajve të fundit, që prej kohës kur islamistët sulmuan revistën satirike ‘Charlie Hebdo’ në janar të këtij viti.
76% e pjesëtarëve të sondazhit kanë pranuar se kanë mendime pozitive për myslimanët, duke shënuar kështu një rritje me 4% në krahasim me një vit më parë, sipas një vëzhgimi të publikuar me 2 qershor, 5 muaj pasi terroristët vranë rreth 17 persona pas sulmeve në Francë.
Këto sulme shkaktuan debate të shumta në radhët e gazetarëve, zyrtarëve publikë dhe qytetarëve në Francë, në lidhje me mungesën e integrimit dhe radikalizmit të këtyre personave në shtetin me komunitetin më të madh mysliman në Europë (rreth 5 milionë).
“Nuk ka pasur asnjë reagim publik negativ kundër myslimanëve në Francë”,- ka thënë autori i kërkimit, Richard Wike në raport.
Për më tepër, numri i francezëve që kanë mendime dhe ndjenja pozitive për këtë grup është rritur. Shumë prej të anketuarve kanë shprehur një këndvështrim më të favorshëm se më parë.
Ndërsa të majtët në Francë janë më shumë të prirur për të qenë më të hapur dhe pranues ndaj myslimanëve, në krahasim me të djathtët, sjelljet kundrejt komunitetit në minorancë janë shndërruar përherë e më pozitive sa i takon spektrit ideologjik.
Wike ia atribuon këtë sjellje thirrjeve për bashkim kombëtar, edhe nga ana e presidentit të Francës, Francois Hollance, sipas së cilit ekstremistët e dhunshëm nuk prezantojnë Islamin.
Ai sugjeron se media ka ndihmuar në krijimin e një opinioni publik pozitiv duke kritikuar dhe minimizuar steriotipet e krijuara për myslimanët dhe duke u kushtuar rëndësi lirive të tyre civile.
“Pew surve” i realizuar në Francë është bazuar në një intervistë telefonike të të rriturve, me një shkallë gabimi 3.4%./tesheshi.com/
