E kujt nuk i pëlqejnë udhëtimet. Të eksplorosh vendet më të veçanta të botës është një kënaqësi më vete që jeta të fal, por në të njëjtën kohë është edhe e kushtueshme e kjo për shkak se duhet të paguajmë bileta avioni, autobusi, metroje, tragetesh etj, për tu zhvendosur nga njëri vend në tjetrin, për të mos folur pastaj për hotelet, të cilat kanë kosto më vete apo për ushqimin.
Mirëpo, ka edhe raste të veçanta, ku personat paguhen për udhëtimet që bëjnë. Kristin Addis është 29 vjeçarja e cila nisi të vizitojë e vetme botën 3 vite më parë.
Vajza nga Kalifornia paguhet për udhëtimet e saj me anë të këshillave që jep në rrjetet sociale se si mund të udhëtosh e sigurt vetëm.
Arsyeja pse ajo e mori këtë vendim ishte për shkak të dëmtimit që pësoi në shpatull në vitin 2012 , gjë që e detyroi të linte punën e saj në zyrë.
“Unë kam një pjesë të dëmtuar të trupit tim. Po sikur kur të jem më e vjetër në moshë mos ta kem më mundësinë të udhëtoj? Do të ishte pendimi më i madh,”- është shprehur ajo për Daily Mail.
Që atëherë Addis vendosi të udhëtojë botën e vetme pasi shiti shtëpinë dhe çdo gjë tjetër.
Kristin ka rreth 50,000 ndjekës në Instagram dhe blogun “Be My Travel Muse” që vazhdojnë të jenë të interesuar se cilat do të jenë destinacionet e saj të radhës./tesheshi.com/
