Në orët e para të mëngjesit, nëpër xhamitë e Tiranës e të gjithë Shqipërisë, u fal namazi i Fiter Bajramit, për herë të parë me distancim social, ku, situata epidemike COVID, çoi dhe në anullimin e faljes kolektive në shesh.
Vetë kreu i KMSH-së Bujar Spahiu ishte te Xhamia e Kokonozëve, te Pazari i ri, ku priu në namaz, me pak veta brenda xhamisë, ku më shumë ishin jashtë.
Një ditë më parë, në fjalën e tij përshëndetëse, Spahiu kujtoi sakrivicat e punonjësve të shëndetësisë, e faktin që ky Ramazan qe krejt ndryshe.
“Këtë muaj e përjetuam ndryshe nga Ramazanet e tjera, u privuam nga namazet e përbashkëta, iftaret dhe festimet me të dashurit. Por falë Zotit ky Bajram vjen në një situatë më të përmirësuar.
Me këtë rast dua të falënderoj në mënyrë të veçantë të gjithë punonjësit e shëndetësisë, që punuan me përkushtim për të mbrojtur jetën dhe shëndetin e qytetarëve të prekur nga pandemia”, tha njeriu i parë i muslimanëve shqiptarë. /tesheshi.com/
