Ndotet keqas bregdeti i Durrësit duke sjellë një njollë të zezë në një hapësirë të madhe dhe kryesisht duke rrezikuar banorët që jetojnë aty pranë.
Të alarmuar, banorët kanë njoftuar organet kompetente, por që prej orëve të mesdites e deri tani, ende nuk është gjetur zyrtarisht lënda që ka sjellë ndotjen, megjithëse duket se kemi të bëjmë me mbeturina hidrokarbure.
Ndërkohë, Ministri i Bujqësisë, Edmond Panariti, ka ndaluar peshkimin në këtë zonë pasi mund të sjellë problem për shëndetin e banorëve.
Edhe pse kanë kaluar disa orë gjithçka mbahet mister mbi lëndën kimike që ka ndotur bregun edhe pse autoritetet thonë se është e rrezikshme për njerëzit. /tesheshi.com/
