Siç është bërë e ditur tashmë, Shkup prin në listën e vendeve më të ndotura në botë. Në raport me numrin e banorëve, kryeqyteti maqedonas u ka dalë para dhe metropoleve indiane, të njohur për smogun e tyre kërcënues.
Në një takim të inicuar mes autoriteve qveritare dhe atyre lokale të Shkupit, u futën në fuqi masa urgjente për mbrojtjen nga ndotje. Kështu, nëse në dy ditët në vijim koncentrimi i grimcave PM10 në mesditë është më i lartë 250 miligramë për metër kub, kategori të caktuara duhet të lirohen nga obligimet e tyre.
“Ministria e Ambientit Jetësor dhe Ministria e Shëndetësisë duhet që t’i lirojnë nga obligimet gratë shtatzëna, personat më të moshuar se 60 vjeç, personat me astma kronike, personat që kanë kaluar infarkt pa dallim moshe. Duhet ta riorganizojnë kohën për personat që punojnë në ambient të hapur, dhe ky orar të jetë mes orën 11 dhe orës 17″, tha Mile Boshnjakovski, zëdhënës i Qeverisë.
Gjithashtu zëdhënësi i qeverisë tha se duhet të zbatohet ndalesa edhe për organizimin e ndeshjeve sportive dhe organizimeve të tjera në ambient të hapur, të sigurohen kushte për aktivitete të shtuara të ndihmës së shpejtë, vizitës në shtëpi dhe shërbimit shtëpiak.
Ndërsa kryetari i komunës së Shkupit, Petre Shilegov, njoftoi se të hënën në këshillin e qytetit do të ketë diskutim të hapur me qytetarët dhe organizatat joqeveritare për masat e mundshme për ndotjen e ajrit. /tesheshi.com/
