Ndotja e dioksidit të karbonit ka arritur nivelet para pandemisë, duke lënë gjithnjë e më pak kohë për të luftuar ngrohjen globale, paralajmëron një studim i cituar nga AFP.
Pandemia ka mbyllur pjesën më të madhe të botës dhe ekonominë e varur nga karburantet fosile, duke shkaktuar një rënie të jashtëzakonshme prej 5.4 për qind në emetimet totale vitin e kaluar.
Megjithatë, gjatë këtij viti, niveli i emetimeve të gazeve serrë është një për qind më i ulët se maksimumi absolut nga viti 2019, sipas një raporti të Projektit Global të Karbonit, të publikuar gjatë konferencës së klimës COP26 në Glasgow.
Kthimi në realitet
“Studimi na kthen në realitet për atë që po ndodh në botë, ndërsa Glasgow diskuton se si të luftojmë ndryshimet klimatike”, tha klimatologia Corinne Le Quéré, një nga autoret e studimit.
Edhe pse emetimet e parashikuara të CO2 këtë vit duhet të mbahen në 4.4 për qind dhe në këtë mënyrë të jenë më të ulëta se ajo e regjistruar në 2019, shkencëtarët paralajmërojnë se sektori i transportit nuk është rikuperuar ende nga kriza e shkaktuar nga pandemia. /tesheshi.com/
