Ndotja e ajrit i kushton Evropës 166 miliardë euro në vit, sipas një raporti të lëshuar të mërkurën duke shqyrtuar kostot e vdekjes së parakohshme, sëmundjeve dhe ditëve të humbura të punës për shkak të ndotjes në 432 qytete evropiane.
Ky raport, i prodhuar nga CE Delft për Aleancën Evropiane për Shëndetin Publik (EPHA), një platformë jo-qeveritare me bazë në Bruksel, shqyrton 432 qytete në 27 vendet e Bashkimit Evropian, Mbretërinë e Bashkuar, Norvegjinë dhe Zvicrën.
Studimi krahason tre ndotësit kryesorë të ajrit – grimcat, dioksidi i karbonit dhe ozoni, dhe kostot e tyre që lidhen me trajtimin, jetëgjatësinë e zvogëluar ose sëmundje të tilla si bronkiti i rëndë kronik dhe të ngjashme.
Londra kryeson qytetet me kostot më të larta të lidhura me ndotjen (11.4 miliardë euro), përpara Bukureshtit dhe Berlinit, ndërsa Parisi është në vendin e shtatë.
Trafiku ka një pjesë të konsiderueshme në ndotj
“Hulumtimi ynë zbulon se sa i dëmshëm është ajri toksik, por gjithashtu sa pabarazi të konsiderueshme ekzistojnë midis vendeve të ndryshme evropiane,” komentoi sekretari i përgjithshëm i EPHA, Sascha Marschang, i cili shtoi se “politikat e transportit publik mund të përmirësojnë situatën dhe qytetet mund të ulin kostot, duke inkurajimit të lëvizshmërisë që nuk ndot mjedisin”.
Ndotja e ajrit urban është rezultat i disa faktorëve – transporti, ngrohja e shtëpisë apo edhe aktivitetet industriale ose bujqësore. Megjithëse është e vështirë të vlerësosh saktë pjesën e secilit prej këtyre sektorëve, raporti merrej me transportin dhe vlerësonte se një rritje në numrin e makinave në qytet me vetëm 1 përqind rrit kostot sociale me gati 0,5 përqind.
“Ne duhet të bëjmë një përpjekje për të kaluar në transportin më pak ndotës – ecje, çiklizëm dhe automjete elektrike”, shtoi Marshang.
Ndotja e ajrit është përgjegjëse për 480,000 vdekje të parakohshme në Evropë, sipas Agjencisë Evropiane të Mjedisit (EEA). /tesheshi.com/
