Tre pjesëtarë të një grupi djathtist ekstrem janë dënuar me nga gjashtë muaj burg secili pasi ndoqën me dy helikopterë emigrantët që po kalonin kufirin mes Francës dhe Italisë.
Grupi ekstremist “Identiteti i Gjeneratave”, pjesë e të cilit ishin tre agresorët, gjithashtu u dënua me 75,000 euro.
Organizata kishte marrë me qira dy helikopterë përmes së cilëve shpërndante sloganet në ajër ku shkruhej “Mbrojmë Evropën”, dhe u shkonin pas emigrantëve të stërlodhur nga kalimi në këmbë i kufirit.
“Identiteti i Gjeneratave” u krijua në Francë në 2012 dhe tani operon në shumë vende të Evropës, si Austri, Gjermani dhe Mbretërinë e Bashkuar.
Në vitin 2017 ajo përdori një varkë për të parandaluar zbarkimin e anijeve të shpëtimit që transportonin emigrantë nga Deti Mesdhe. /tesheshi.com/
