Lulzim Basha për herë të parë e ka parë Edi Ramën me syrin pozitiv.
“Pas deklaratës së Edi Ramës, natyrisht nuk besohet apriori, por më dha bindjen ta testoj edhe njëherë vullnetin e tij për konsensusin. Ndaj Partia Demokratike shkon me mendje të hapur në tryezë dhe vullnetin për të ofruar dhe gjetur zgjidhje të përbashkët”, Basha në një bashkëbisedim me gazetarët.
Basha foli për dy çështje që kanë mbetur pezull dhe që të dyja lidhen me rolin e ndërkombëtarëve në procesin e vetingut.
“Vetë mazhoranca propozoi nenin 123 të Kushtetutës si forumlë që të autorizohet misioni ndërkombëtar. Ne e konsideruam këtë një zgjidhje të pranueshme.
Sipas këtij neni, Republika e Shqipërisë, në bazë të marrëveshjeve ndërkombëtare, u delegon organizatave ndërkombëtare kompetenca shtetërore për çështje të caktuara.
Problemi i dytë, propozim i ardhur nga ekspertët që propozuan që operacioni ndërkombëtar të stacionohet pranë Presidentit ose Avokatit të Popullit dhe në bazë të kritereve të hartohet një listë e bardhë me kandidatët që plotësojnë këto kritere, një listë e gjelbërt me ata që nuk plotësojnë kriteret dhe një listë e zezë”, tha Basha.
/tesheshi.com/
