Ish-ministri i Mbrojtjes, Luan Hajdaraga ka pësuar një sulm kardiak gjatë kohës që ndodhej në Maqedoni.
Hajdaraga ka pasur atak kardiak ndërsa po udhëtonte por i është dhënë ndihma e parë. Ministria e Shëndetësisë i ka dërguar një helikopter në Përrenjas me të cilin e solli në Tiranë në një spital privat.
Taulant Balla, numri dy i PS-së është kujdesur për transportimin e Hajdaragës drejt Tiranës.
Luan Hajdaraga prej vitesh nuk është aktiv në politikë, por jep mësim në disa universitete këtu dhe Maqedoni. Hajdaraga ka qenë nënkryetar i PS-së, deputet deri në vitin 2005, ministër i Mbrojtjes, Zv.ministër i Jashtëm dhe ministër i Komanduar i Punëve të Jashtme. /tesheshi.com/
