Një rast i pazakonshëm ka tronditur Maqedoninë. Bëhet fjalë për një grua maqedonase, e cila ka ndërruar jetë para një viti dhe ka mbetur në shtrat. Vëllai i saj, një i sëmurë psiqik, nuk e ka varrosur motrën e ndjerë dhe ka jetuar me të gjatë gjithë vitit.
Trupi i pajetë në fazë dekompozimi është gjetur dje pasdite në një shtëpi në rrugën
“Vëllezërit Llamevski 1” në Prilep. Sipas prokurorit themelor publik Marijana Ilievska, bëhet fjalë për 49 vjeçaren Millka Naumovska nga Prilepi.
“Fqinjët kanë ndier erë të keqe dhe e kanë thirrur policinë. Policia e ka gjetur trupin e dekompozuar dhe sipas informatave të para, gruaja ka vdekur para një viti. Ka jetuar bashkë me vëllanë e saj, i cili ka qenë psiqikisht i sëmurë”, deklaroi Ilieska.
Prokuroria ka kërkuar obduksion që të vërtetohet shkaku për vdekjen, kurse hetimet duhet të tregojnë se çka ka ndodhur. /tesheshi.com/
