Ditë më parë, në një prej kategorive të ulëta të futbollit gjerman, SV Vonderort do të humbiste thellë, 43-0, me rivalët lokalë të PSV Oberhausen-it.
Portieri 25-vjeçar Marco Kwiotek do të bënte një paraqitje skandaloze, duke pësuar gol gati në çdo dy minuta.
Por ai do të përballej me një surprizë të pakëndshme pesë ditë pas humbjes së thellë.
Ndërsa bëhej gati të niste stërvitjen me ekipin e tij, në fushën stërvitore do të shfaqeshin dy makina policie. Ai është marrë nga dy punonjës policie, që më parë diç kanë biseduar me të.
Për shkak të humbjes së thellë, stërvitja është ndjekur nga pjesëtarë të shtypit, të cilët raportojnë se portieri ka thënë teksa po largohej i shoqëruar nga policët, “Po shkoj në stacionin policor vetëm për të sqaruar diçka.”
Ai nuk është parë më prej atij momenti. Policia gjithashtu nuk ka pranuar të tregojë nëse ai është ndaluar. /tesheshi.com/
