Athletic Bibalo i ka bërë një befasi jo fort të këndshme Barcelonës, duke e mposhtur atë thellë (4-0), në ndeshjen e parë të Superkupës së Spanjës të zhvilluar në San Mames.
Futbollistët e Valverdes u treguan luanë të vërtetë ashtu siç thotë edhe sinonimi i tyre “Leones” duke turpëruar skuadrën e saposhpallur superkampion i Europës.
Gjithçka nisi keq për blaugranasit deri sa një dalje të gabuar të portierit Ter Stegen e dërgoi në rrjetë San Jose për të realizuar një eurogol të vërtetë. Ankthi i azulgranave vazhdoi në fraksionin e dytë të ndeshjes, me protagonistin “negative” Aritz Aduriz.
Sulmuesi spanjoll për 13 minuta realizoi tre gola duke e bërë kështu “ferr” natën për skuadrën e Luis Enriques që po vinin nga një sukses i jashtëzakonshëm, fitimin e katër titujve në këtë sezon.
Ndeshja kthyese do zhvillohet të mërkurën mbrëma në Camp Nou, mirëpo ëndrra për ta përsëritur suksesin e 2009 vazhdon të mbetet ëndërr. /tesheshi.com/
