Një borxh i trashëguar nga shkëmbimet tregtare mes Kubës dhe Çekosllovakisë, që në 1993 u nda në Republikën Çeke dhe Sllovakinë, i llogaritur me 260 milionë euro, sipas mediave çeke, kërkohet të kthehet.
Por në mungesë të parave cash, Kuba i propozoi Republikës Çeke t’ia rimbursojë borxhin e saj me mallra, duke përfshirë pije alkoolike, veçanërisht rum. Lajmi bëhet i ditur sot edhe nga Ministria çeke e Financave.
Sipas Ministrisë, shuma e përgjithshme e borxhit nuk është përfundimtare, ndërsa vazhdojnë bisedimet në lidhje me vlerën dhe rimbursimin e borxhit, të nisura në fund të vitit të kaluar.
“Pala kubane prezantoi një listë të lëndëve të para duke përfshirë disa marka të rumit”, sqarojnë mediat çeke./tesheshi.com/
