Me sa duket, nuk ka arritur as nëna e as fëmija të rezistojnë deri sa avioni të ulej në tokë, ndaj ky bebush që shikoni në foto, ka ardhur në jetë në ambientet e një avioni. Në fakt kjo është historia e gruas Saw Ler Htu, e cila ka qenë me fat që në bordin e avionit ku ajo udhëtonte ishin tre mjekë dhe pasagjerët e kanë ndihmuar që të lindte shëndoshë e mirë të voglin e saj. Gruaja ishte duke udhëtuar nga Singapori për në Birmani.
Saw Ler Htu, në shenjë falenderimi dhe mirënjohjeje vendosi ta quajë të birin me emrin e kompanisë së fluturimit, Jetstar. Pra, fëmija quhet Saw Jet Star, në shenjë mirënjohjeje.
Lajmi është raportuar nga media australiane Fairfax dhe nga vetë Jet Star, të cilët kanë publikuar në faqen e tyre në Facebook disa nga fotografitë e vogëlushit të ri. Sipas disa dëshmitarëve, menjëherë pas lindjes të gjithë nisën të duartrokisnin meqë çdo gjë shkoi mirë. /tesheshi.com/
