Mensur Krasniqi
Forumi Rinor i BDI-së ka organizuar tribunë shkencore me temë “Rinia dhe Arsimi” me rastin e 107 vjetorit të Alfabetit Shqip.
Ajo që është skandaloze është se në paralajmërimin e këtij aktiviteti janë përdorur fotografi nga tubimet e Lëvizjes BESA.
Portali i afërt me BDI-ne e Ali Ahmetit, Aktuale.mk duke shpjeguar rreth aktivitetit në fjalë ka shfrytëzuar fotografitë e tubimeve të Lëvizjes BESA, për të mbuluar këtë ngjarje.
Me këtë gafë të portaleve të BDI-së, ka ironizuar në rrjetin social facebook, njëri nga përfaqësuesit e press qendrës së Lëvizjes Besa, Emad Mehmeti.
“BDI nga pamundësia e mbushjes së sallave, shfrytëzon fotografitë e tubimeve të Lëvizjes BESA!
Organet partiake të BDI-së në alarm, në njërën anë lëvdërohen kinse i kanë punët mirë, e nga ana tjetër mburren me fotografi të Lëvizjes BESA që janë bërë para 8 muajsh në Zhelinë!
A i duhen BDI-së fotografi ende nga BESA që t’ua “ofrojmë falas”, biles edhe logon e heqim se gjenden në situatë të mjerueshme, ku përpos keqpërdorimit të skajshëm që ia bënë shiptarëve, tani keqpërdorin edhe fotografitë”, shkruan Emad Mehmeti. /tesheshi.com/
