Deklarata e Ministrit të Brendshëm në studion e Sokol Ballës, siç pritet ka shkaktuar problemet e para tek e djathta. Një zyrtar në stafin e ngushtë të Lulzim Bahsës, i cili ka qenë reporter në shtyp, i ka konsideruar “të papranueshme” deklaratat e Dritan Demirajt për zhdukjen e kanabisit.
Erald Kapri, i cili ka mbi 6 vjet që punon pranë Bashës, shkruan në faqen e tij: “Ndoshta e ka marrë me zell të madh detyrën, por kjo deklaratë e ministrit teknik më duket e papranueshme. E si mund të deklarosh që vendi është pastruar nga hashashi kur vetem pak ditë më parë u kapën 15 tonë në Vlorë? Ishte shifër rekord që tregon se stoku i drogës është i frikshëm. Mund të ketë rënë kultivimi se magazinat janë plot dhe trafikantët e mbajnë mbyllur që të ulet oferta për çmim më të mirë. Edhe ky fakt nuk është aspak në meritë të Policise, por përkundrazi po dështon në kapjen e kokave të trafikut. Ndaj ky qendrim i ministrit duket i pavend dhe aspak në shërbim të luftës reale për të luftuar trafikun e drogës”.
Vetë ministri i Brendshëm nuk i është përgjigjur, por kjo deklaratë, nuk duket si individuale e Kaprit, megjithëse ky i fundit ka një përvojë gazetarie dhe mund të ketë një opinion a qëndrim të caktuar.
Dhe qënia e tij në stafin e kreut të PD-së, çon antenat e kësaj replike politike, pikërisht tek zyra e kreut të selisë blu.
Demiraj u vu në postin e ministrit ë Brendshëm për të mos lejuar policinë që të ndërhynte në zgjedhje, si dhe edhe për të nxjerrë të vërtetën e hashashit që aq shumë u anatemua nga opozita për dy vitet e fundit.
Por Demiraj deklaroi se kur Edi Rama të formojë qeverinë e re, nuk do të ketë asnjë metër të mbjellë me kanabis. /tesheshi.com/
