Kryeministri Albin Kurti falënderoi homologun e Tiranës Edi Rama për ndihmën ndaj Kosovës me energji elektrike me rastin e festave të fundvitit.
“Ne e falënderojmë kryeministrin Edi Rama për mbështetjen.
Ministrja jonë e Ekonomisë e ka bërë një kërkesë të tillë ndaj Shqipërisë.
Kemi termocentrale, ata kanë hidrocentrale. Bëhet fjalë për dy ditë që janë të rëndësishme sepse janë të ndërrimit të viteve dhe pastaj edhe ne do kemi mundësi t’i ndihmojmë në raste nevoje verën e vitit të ardhshëm,” tha Kurti.
Sipas tij kjo ndihmë është për t’u vlerësuar mbi të gjitha sepse Shqipëria vetë nuk i ka punët mirë me energjinë elektrike.
Nga ana tjetër ministrja e linjës Belinda Balluku, edhe njëherë dha detaje të ndihmës ndaj Kosovës.
“Situata energjitike është një krizë ndërkombëtare dhe vendi ynë ndodhet në një sfidë të vështirë por ajo që ka kërkuar kryeministri Rama dje është që ministria të gjejë çdo lloj mundësie për të ndihmuar me datën 31 dhjetor dhe 1 janar Kosovën për të bërë të mundur që ato të kenë energji elektrike.
Ne do të përdorim rezerva tona dhe do të vijojmë me depozitimin e energjisë nga ora 07:00 e datës 31 dhjetor deri më 1 janar të orës 24:00, dhe Kosova do të mund të na e kthejë kur të ketë mundësi dhe jo kundrejt pagesës. Do jetë mishelim i rezervës hidrike nga Kaskada e Drinit pir dhe mund të blejmë”, ka thënë ajo. /tesheshi.com/
