Nga Blendi Gashi
Shumë pak njerëz mund të kenë besuar se PDK-ja, parti kjo e dalë nga lufta do të ndëshohet nga një pjesë e Drenicës dhe do të vije dita që kandidati i saj për kryetar të Drenasit nuk do të fitojë qysh në raundin e parë.
Por zgjedhjet e jashtëzakonshme të 4 dhjetorit për të parin e Drenasit bën një befasi të dytë në Kosovë, pas befasisë së Prishtinë, ku LDK e humbi që e kishte çerdhe të saj për 14 vjet; pra, për herë të parë bën që çerdhja e PDK-së të shkojë në balotazh, pasi ky subjekt nuk arriti të fitojë 50 për qind të votave të qytetarëve, të nevojshme në raundin e parë për të vazhduar udhëheqjen me këtë komunë.
Padyshim, mostriumfi i Ramiz Lladrovcit qysh në raundin e parë tregon se PDK në krye me Kadri Veselin duhet të ulet të mendojë mirë deri më 1 janar të vitit 2017-të kur mbahet gara për balotazh dhe të shoh se ku ka gabuar, dhe të analizojë pse ja ktheyn shpinën njerëzit e kësaj komune që për 17 vite e përkrahën PDK-në.
Padyshim se fitorja e vetëm afër 46 për qind të votave nga kandidati i PDK-së flet për ndëshkim për këtë parti, pasi krahasauar me zgjedhjet lokale të vitit 2013-të, kanë votuar rreth katër mijë votues më pak se për ish-kryetarin Nexhat Demaku, i cili u bë shkaktar i zgjedhjeve të jashtëzakonshme, pasi Gjykata e dënoi për krime lufte.
Se janë befasuar jo pak me mosmarrjen e 50 për qind të votave për herë të parë nga pasluta, janë deklaruar edhe zyrtarë të PDK-së.
“Ja pse PDK nuk e vazhdoi traditën…”
Për humbjen e këtyre votave drejtues të këtij subjekti kanë bërë “fajtor”, kandidatin e pavarur Xhavit Drenori i cili në mandatin e fundit qeverisës komunal ka qenë i veshur me petkun e asambleistit të PDK-së, duke thënë se do t’i kthejnë votat e Drenorit.
PDK e Veselit sa më herët të kuptoj shkaktarët që quan në balotazh aq më mirë do t’i ketë punët. Dhe arsyet pse PDK nuk vazhdoi traditën, pra të fitojë në raundin e parë bindshëm janë të shumta.
Padiskutim se ish-asambleisti i tyre dhe “zëngrituri”, më i madh viteve të fundit në Drenas, pra, i pavaruri Xhavit Drenori, është një prej kryesorëve që ka ndikuar që PDK nuk fitoi në raundin e parë.
Por po ashtu, shkak është dhe përçarja e degës në Drenas rreth kandidatit Ramiz Lladrovci dhe kandidimi i tij në momentin e fundit, është arsyeja kryesore pse kjo komunë shkon në balotazh.
Andaj, PDK para se të bëj me gisht në drejtim të Drenorit duhet të ulet dhe të gjej gabimin tek vetja e saj dhe të disktuojë nëse është pikërisht mos kandidimi i Xhavit Drenorit shkaku që ajo për herë të parë u “thye” në Drenas.
Arsye tjetër pse PDK e humbi Drenasin mund të jetë edhe qeverisja për 17 vite me këtë komunë dhe ndoshta qytetarët janë mërzitur dhe kanë pritur që një kandidat i ri si Drenori t’i drejtoi ata.
Një arsye tjetër jo e vogël mund të jetë edhe mos prezenca e Hashim Thaçit një lider i padiskutueshëm në fushatën zgjedhore.
Ndoshta elektorati i Drenicës ende nuk është mësuar me udhëheqjen e Kadri Veselit, për çka në disa fshatra gjatë fushatës zgjedhore, në prani të Veselit qytetarët kanë bërë kritika të mëdha për PDK-në.
Tjetër arsye që mund të ketë ndikuar negativisht tek elektorati i PDK-së mund të jetë edhe mungesa e një prej figurave kryesore të partisë dhe Drenicës, Azem Syla në fushatë zgjedhore dhe më pas prania e disa figurave të larta të PDK-së nga Prishtina si Enver Hoxhaj (ministër i Jashtëm), Arsim Bajrami (ministër i Arsimit), Memli Krasniqi (ministër i Bujqësisë), Agim Çeku (deputet) etj.
Një arsye tjetër e madhe mund të jenë edhe dënimi i figurave të larta të UÇK-së, si dhe dënimi i vëllezërve Kiçina e Ramadani, për çka qytetarët e Drenasit në një mënyrë mund të bëjnë fajtor edhe krerët e PDK-së për lënien në “baltë” të shokëve të tyre.
Po ashtu, arsye jo e vogël mund të jetë edhe ndërrimi i brezave të votuesve dhe PDK duhet ta kutojë se gjeneratat po ndrrojnë dhe të rinjtë e të rejat e kësaj ane duan punësim dhe jetë më të mire, pra ka ikur koha kur fitohet vota në emër të UÇK-së.
Mund të ketë edhe shumë arsye të tjera të cilat sigurisht do të duhej që Kadri Veseli, kandidati Ramiz Lladrovci si dhe krerët e PDK-së t’i identifikojnë, në të kundërtën nëse shkohet me “duar në xhepa”, mund të ndodh fare lehtë që edhe në Drenas të ngjajë befasia e Prishtinës, pra që PDK të humb bastionin e saj pas 17 vitesh.
Megjithatë, janë qytetarët e Drenasit që më datë 1 janar të vitit të ardhshëm kur edhe mbahet balotazhi, do të vendosin se cili prej kandidatëve, Ramiz Lladrovci i PDK-së apo Isa Xhemajlaj i NISMA-s do të udhëheq me komunën e tyre. /tesheshi.com/
