Një ditë pas mbledhjes së Këshillit të Sigurisë Kombëtare, prej së cilës palët dolën të kënaqura (president dhe kryeministër), gjithsesi ata kanë papajtueshmëri me masat ndëshkimore që kërkon të ndërmarrë qeveria në kuadër të krizës koronare, duke bërë dhe ndryshime në Kodin Penal.
Ndaj, Meta i ka përcjellë shqetësimin e tij kreut të Kuvendit Gramoz Ruçi, duke thënë se dispozitat e reja duhet të jenë të qarta, për të mos cenuar parimin e sigurisë juridike, me qëllim që e gjithë popullata të mos mendojë se mund të bëhet subjekt i procedimit penal në mënyrë të padrejtë, ashtu siç është krijuar tashmë ky shqetësim në mbarë opinionin publik, referuar ky shqetësim edhe nga aktorët që u është marrë mendimi gjatë procesit legjislativ, por dhe duke parë mungesën e qartësisë së propozimeve”.
Por Rama, nga parlamenti ofroi arsyetimin e tij jo të njëjtë me kreun e shtetit.
“Eshtë e pafalshme për ne, që t’i nënshtrohemi këtij presioni që vjen nga nevojë dhe që artikulohet si nxitje për lirinë, demokracinë, për të drejtat e njeriut, për t’u hapur, të dalë, për të punuar, se do të ishte ekzaktësisht, të hidhnim në lumë gjithçka kemi bërë deri tani dhe t’i hapnim shtegun që deri tani nuk e ka gjetur pikërisht se kemi bërë këto gjëra”, tha Rama. /tesheshi.com/
