Skuadrat e futbollit të Malit të Zi dhe Serbisë do të luajnë të hënën në mbrëmje ndeshjen e xhiros së dytë të kualifikimeve për EURO 2024, një ndeshje që është shpallur me rrezik të shtuar të sigurisë.
Për shkak të pranisë së pritshme të një numri të madh të tifozëve vendas dhe mysafirë, si dhe rivalitetit rajonal dhe rëndësisë konkurruese, është shpallur i tillë nga Federata e Futbollit të Malit të Zi, si dhe nga UEFA.
Federata malazeze ftoi të gjithë tifozët e vendasve që të mbështesin siç duhet, pa mjete piroteknike dhe parulla fyese.
Kapaciteti i Stadiumit të Qytetit në Podgoricë është 11.563 ulëse dhe pritet të jetë i plotë. Është paralajmëruar një inspektim i detajuar i tifozëve në të gjitha hyrjet, njoftojnë organizatorët.
Në ndeshjen e xhiros së parë të zhvilluar të premten në Beograd, Serbia mposhti 2:0 Lituaninë, ndërsa Mali i Zi e mundi Bullgarinë me rezultat 1:0 në Razgrad.
Ndeshja në Podgoricë fillon nga ora 20:45. /tesheshi.com/
