Përfaqësuesja e Shqipërisë do të luajë një ditë më pas ndeshjen e dytë në fushatën eliminatore për botërorin e Rusisë.
Si të tëra ndeshjet e së enjtes, Lihtenshtajn – Shqipëri do të nisë në orën 20:45, e do të zhvillohet në “Rheinpark Stadion” të Vaduzit.
Gjyqtarët për këtë takim do të jenë hungarezë. Sfidën do ta drejtojë Tamas Bognar, i ndihmuar nga anësorët Vencel Toth dhe Zsolt Varga. Gjyqtari i katërt do të jetë po ashtu hungarezi Ferenc Karako.
Tamas Bognar është i njohur për shqiptarët, pasi më herët, vitin e kaluar, ka gjykuar dhe takimin mes Skënderbeut dhe Beshiktashit në Ligën e Europës.
Në vitin 2014 ai ka gjykuar dhe një takim të Laçit në fazën paraeliminatore të Ligës së Europës.
Arbitër i FIFA-s që në vitin 2009, Tamas Bognar njihet për ashpërsinë në gjykim. /tesheshi.com/
