Mesfushori italian Sandro Tonali, 23 vjecc, është nën hetim për baste dhe lojëra të fatit.
Tonali erdhi në Newcastle nga Milani këtë verë për 64 milionë euro dhe ka bërë dhjetë paraqitje për klubin e tij të ri deri më tani.
Por tani ai po përballet me një ndalim shumëvjeçar për të luajtur futboll. Mediat italiane shkruajnë se Tonali është në gjendje të vështirë mendore dhe gjithçka ka bërë të ditur edhe menaxheri i tij Giuseppe Riso.
“Po, Sandro është një i varur nga bixhozi. Ai po e lufton atë tani. Ai është duke luajtur ndeshjen më të vështirë sepse ky është një problem serioz, por jam i sigurt se ai do të fitojë përsëri. Ai është i trishtuar, ai është në shok për këtë histori bastesh. Shpresoj ky rast për të shpëtuar jetën e tij dhe të shumë të rinjve”, tha Riso.
Riso falënderoi Newcastle për mbështetjen e Tonalit.
“Sandro e ka kuptuar se ai duhet të fokusohet në këtë çështje serioze, të përballet me varësinë e tij me një qasje të fortë. Unë do të doja të falënderoja presidentin e Federatës Italiane të Futbollit Gravina, si dhe Newcastle – klubi me të vërtetë mbështet Tonalin. Ai është tani duke u stërvitur me ekipin dhe mendoj se mund të luajë kundër Crystal Palace të shtunën”.
Futbollistëve në Itali u ndalohet të vënë baste në ndeshjet e organizuara nga Federata Italiane e Futbollit, UEFA dhe FIFA, si dhe u ndalohet të paguajnë baste direkt ose indirekt. Nëse e shkelin këtë rregull përballen me një gjobë prej jo më pak se 25,000 euro dhe ndalim nga të luajturit deri në tre vjet. /tesheshi.com/
