Tareq Aziz, ish ministri i jashtëm dhe zëvendës kryeministri irakian gjatë regjimit të Saddam Hussein, ka ndërruar jetë në moshën 79 vjeçare, për shkak të një ataku në zemër.
Lajmi është bërë i ditur nga televizioni panarab Al Jazeera. Për shumë persona ai ka qenë ‘fytyra njerëzore e regjimit’, i pamunguar me prezencën e tij në kohën e Luftës së Parë dhe të dytë të Gjirit.
Udhëheqësi në politikën e jashtme të Saddamit, u prezantua dhe njoh me të gjithë liderët e botës. Në vitin 2003, me rënien e regjimit të Hussein, ai u arrestua. Fillimisht u dënua me vdekje, por pas ndërhyrjes së shumtë të Europës, ky vendim u anulua.
Aziz ndërroi jetë në një spital në Nassiri, ku ishte transferuar për kujdesje mjekësore nga ana e strukturave të burgut në të cilin vuante dënimin.
Karriera politike- Karriera e tij politike nisi në vitin 1986, vit në të cilin Michael Yuhanna (emri i tij i vërtetë, i cili u arabizma dhe u shndërrua në Tareq Aziz) u transferua me familjen në Bagdat, ku nisi të ishte pjesë e qeverisë së Baath.
Kështu, Aziz kaloi nga profesioni i gazetarit në atë të ministrit të Informacionit, një nga detyrat më delikate të një regjimi të tillë, si ai irakian. Më pas iu ngarkua detyra e ministrit të Jashtëm dhe numri dy i regjimit deri në rënien e tij në vitin 2003.
Anulohet dënimi me vdekje – Aziz ndërroi jetë në burg, ku ndodhej për 12 vite. Në vitin 2003 u arrestua pas një sulmi të trupave anglo-amerikane dhe rënies së Saddam Hussein. Në vitin 2010 u dënua me vdekje për ‘krime kundër njerëzimit’, por ai nuk arriti të gjykohej pasi në atë kohë, presidenti Jalal Talabani nuk kishte firmosur urdhrin e ekzekutimit.
Vende të shumta, përveç Vatikanit, kanë kërkuar shpesh që shteti të falë të moshuarin ish kryeministër, gjë që nuk ndodhi kurrë. Në vitin 2013 Aziz iu drejtua Papaës, në mënyrë që ai të ndikonte nëpërmjet kërkesës së tij për lirimin, por kjo gjë nuk ndodhi kurrë. /tesheshi.com/
