Një agjenti shqiptar i FBI-së amerikane ka gjetur vdekjen në Tiranë, në rrethana ende të pasqaruara mirë.
Hamdi Kosturi, kishte emigruar për në SHBA në vitet 1999-2000 dhe pasi mori shtetësinë amerikane u pranua në radhët e FBI-së.
Pak kohë kaloi ai u bë agjent special u emërua në Shqipëri, ku mori pjesë edhe në superoperacionin ku u kapën bandat e trafikut të emigrantëve në SHBA dhe Britaninë e Madhe.
Një javë pas këtij operacioni mjaft të suksesshëm, 39-vjeçari Hamdi Kosturi ka pësuar infarkt në shtëpinë ku jeton në Tiranë.
Një vdekje misterioze, ndonëse versioni fillestar është vdekje nga ataku kardiak.
Sot, ambasadori amerikan në Tiranë, Donald Lu mori pjesë në një ceremoni kortezie në nder të agjentit special shqiptar.
Të pranishëm ishin drejtori i Policisë së Shtetit, Ardi Veliu dhe ministri i Brendshëm Fatmir Xhafaj.
Nënës dhe vëllait të Hamdi Kosturit, ju dorëzua një dekoratë mirënjohjeje për kontributin e rrallë që 39-vjeçari ka dhënë gjatë zbatimit të misionit të tij.
/tesheshi.com/
