Ka ndërruar jetë “sheiku” i Italisë, Gian Marco Moratti, padroni i naftës në Itali, pjesëtar i një nga familjeve më të njohura të Milanos, por që nga shqiptarët njihen si pronarët e Interit të lavdishëm në futboll. Ai ishte vëllai i Massimo Morattit, ish-presidentit të Interit në kohën kur ekipi fitoi Champions Legue me Hose Murinhon.
Moratti është ndarë nga jeta në moshën 81-vjeçare. Letizzia, bashkëshortja e tij, e cila ka qenë kryebashkiake e Milanos për dy mandate, shprehu falënderimin që qytetarët që i kanë shprehur ngushëllimet.
Presidenti i kompanisë Saras, një nga më të mëdhatë në Europë për prodhimin dhe rafinimin e naftës, Moratt-ët janë një familje me mjaft popullaritet.
Të qetë, shumë qytetarë, me breza kanë ndihmuar qytetin e Milanos dhe njerëzit e saj në iniciativa të shumta për komunitetin.
Moratti është ndërkohë dhe një nga pronarët e së përditshmes më të madhe në Itali, Corriere Della Sera.
Kontributi më i njohur në bamirësi është hapja dhe mbështetja e një qendre të madhe në Itali për të ndihmuar të rinjtë e prekur nga fenomeni i drogës.
Familja Morati ka pasur në pronësi prej mbi 50 vjet Interin por para pesë vitesh e shitën tek një oligark indonezian, i cili më pas ua shiti kinezëve. /tesheshi.com/
