Ka ndërruar jetë në moshën 67-vjeçare albanologu i njohur kanadez, Robert Elsie.
Studiuesi më i spikatur i letërsisë shqipe të periudhave më të paprekura nga akademikët shqiptarw, ka ndërruar jetë në qytetin e Bonit në Gjermani, vend i cili ishte atdheu i dytë i studiuesit të njohur, që përveç veprave të elaburimit të albanologjisë ishte edhe përkthyes në Bashkimin Europian dhe Gjykatën e Hagës.
Elsie ishte përkthyesi në anglisht i “Lahutës së Malcisë” së Fishtës, ndërkohë që ka kryer studimin më shterues për “Brezin e poetëve të humbur” siç quhen bejtexhinjtë, një grup poetësh lirikë që nuk u prekën fare nga studimet shqiptare të Letërsisë.
Antologjia e Letërsisë Shqiptare e Elsies është një nga më gjithëpërshirëset dhe të plotat, megjithëse hap diskutime për shumë gjëra, ku ajo vë në dukje thuajse të gjitha rrymat shqiptare të letërsisë shqipe në gjithë historinë gojore por edhe të shkruar të kësaj lëmie.
Autor i 60 librave për shqipen, professor Elsie ka punuar thuajse gjatë gjithë kohën në Ministrine e Jashtme Gjermane dhe në BE si përkthyes i shqipes.
Ka botuar në SHBA, Kanada dhe vende të Europës shumë libra për albanologjinë, së cilës i kushtoi pjesën më të madhe të kohës krijuese.
Historia e Letërsisë Shqiptrare është botimi më kulmor i tij, i publikuar në Colorado të SHBA-së në vitin 1995. /tesheshi.com/
