Luis Salom ka ndërruar jetë. Lajmi është bërë i ditur nga Dorna nëpërmjet një komunikate. Piloti spanjoll i SAG Team ishte futur në kthesën 12 në sesionin e dytë të provave të lira të GP në Catalunia, gjatë Moto2.
“Piloti ndërroi jetë në orën 16:55. Sapo mbërriti në spital u fut menjëherë në sallën e operacionit, por nuk arriti të shpëtonte”, – thuhet në deklaratën e Dornas,
Në imazhet e aksidentit tregohet motori i pilotit, i cili përplaset me barrierat dhe më pas godet vetë pilotin, i cili kishte rrëshkitur nga mjeti.
Lajmi i vdekjes së tij u konfirmua edhe nga piloti Valentino Rossi. “Nuk i pash pamjet, por një miku im pa gjithë ngjarjen dhe më tha se Salom u përplas me barrierat dhe më pas motori e zuri poshtë. Kjo është një ngjarje shumë e dyshimtë. Ndoshta motori ka pësuar defekt, pasi nuk kam si ta shpjegoj ndryshe”, – ka thënë Rossi. Sesioni i garave u ndërpre fillimisht dhe më pas u anulua.
Në vendngjarje mbërriti menjëherë ambulanca dhe forcat e shpëtimit. Pas një konsulte disa minutëshe u thërrit helikopteri, por në fund piloti hipi në ambulancë e transportua për në spitalin e Katalunias, ku edhe ndërroi jetë. /tesheshi.com/
