Ka ndërruar jetë në Francë njeriu që i dha fund përdorimit të gijotinës, mjetit më famëkeq të ekzekutimit me prerje koke në botë.
Patrick Henry, i cili vdiq sot në moshën 64-vjeçare, në vitin 1977 u dënua me burgim të përjetshëm për vrasjen e një fëmije, pasi më përpara një gjykatë i dha dënimin kapital me prerjen e kokës në gijotinë.
Pasi u sëmur me kancer ai kërkoi ndryshimin e dënimit dhe çështja e tij i dha fund dënimit kapital, çka e hoqi përfundimisht gijotinën nga përdorimi në Francë.
Kur Henry u dënua, Franca ishte një nga vendet e fundit në Europë që mbanin ende dënimin kapital.
I mbrojtur nga avokatët Robert Bocquillon e Robert Badinter, i cili më pas u emërua ministër i Drejtësisë, Henry i shpëtoi gijotinës që dukej e pashmangshme.
Në vitin 2001, 25 vjet pas dënimit arriti të sigurojë një liri të kushtëzuar, por vetëm pak muaj më pas u kap në Spanjë me 10 kilogram kanabis në makinë dhe kështu u rikthye në qeli.
Ekzekutimet e fundit në Francë me gijotinë ndodhën në vitin 1977, nën presidencën e Valery Giscard d’Estaing. /tesheshi.com/
