Saad Dawabsheh, babai i foshnjes palestineze që humbi jetën ndërsa ekstremistët hebrenj i vunë flakën shtëpisë në Nablus, ndërroi jetë nga plagët e marra tetë ditë pas ngjarjes.
Vëllai i tij, Nasr Dawabsheh, tha për agjencinë Anadolu se Saad ndërroi jetë pas tetë ditësh në trajtim në Qendrën Mjekësore Soroka në qytetin Beersheba.
Më 31 korrik, Dawabsheh mori plagë të rënda ndërsa të vendosurit izraelitë i vunë flakën shtëpisë në fshatin Duma, pranë Nablusit në Bregun Perëndimor. Ai kishte arritur të nxirrte mes flakëve gruan dhe djalin më të madh, por nuk e shpëtoi dot djalin e vogël.
Sulmi u dënua ndërkombëtarisht si nga shefi i OKB-së, Ban ki-Moon, ndërsa izraelitët premtuan të hetonin rastin./tesheshi.com/
