Një diplomat i lartë gjerman ka ndërruar jetë në Tiranë në rrethana ende të paqarta.
Burime nga policia thanë se në orët e para të mëngjesit të djeshëm është gjetur i pajetë në banesën e tij, Michael Gumprich, 54 vjeç zyrtar i ambasadës gjermane në Tiranë, thanë burime nga policia.
Sipas tyre, Gumprich jetonte në një banesë me qira në rrugën e Bogdanëve, jo shumë larg nga ambasada. 54-vjeçari ishte në Tiranë me detyrën sekretarit të dytë të ambasadës së Gjermanisë në Shqipëri.
Trupi është gjetur në banesën e tij dhe nga të dhënat e para mësohet se nuk ka pasur shenja dhune apo të tjera që mund të çojnë në dyshimet e një krimi.
Por trupi i pajetë i tij është dërguar në Institutin e Mjekësisë Ligjore për këqyrjen e kufomës.
I ndjeri ka qenë Sekretar i Dytë i Ambasadës dhe zakonisht këto poste i takojnë njerëzve të shërbimeve sekrete. Ndërkaq, në aktivitetin e ambasadës, zoti Gumprich ka referuar disa herë për çështjet e emigracionit të shumë shqiptarëve në Gjermani. /tesheshi.com/
