Ngelet misterioze dhe tepër e paqartë vdekja e djalit 33-vjeçar të ish presidentit Ukrainas, Viktor Yanukovich, i cili u largua nga pushteti pas revoltës një vit më parë në Maidan. Sipas disa mediave, i riu mund të jetë mbytur dhe të ketë ngecur mes akujve në liqenin Bajkal, gjatë fundosjes së një mikrobusi.
Lajmi është konfirmuar në Facebook nga ana e këshilltarit të ministrit të Brendshëm të Kievit, Anton Gherashenko, por jo nga autoritetet ruse, sipas së cilave “nuk ka asnjë me mbiemrin Yanukovich mes të vdekurve dhe të plagosurve” në këtë aksident.
Sipas ministrit të Emergjencave të Moskës, të enjte ne shkuar, një mikrobus tip Volksëagen përfundoi mes ujërave të akullta të liqenit Bajkal dhe në aksident ndërroi jetë drejtuesi i mjetit ndërsa 5 persona të tjerë, të cilët ndodheshin në bordin e mikrobusit arritën të shpëtonin.
Forcat që shpëtuan të dëmtuarit nga ky aksident kanë deklaruar se nuk ka pasur asnjë person të identifikuar si 33 vjeçari Viktor Yanukovich Davidov (Davidov është mbiemri i gruas së ish presidentit).
Nga ana tjetër, deputeti ukrainas i Blocco, Nestor Shufrich ka shpallur vdekjen e Viktor Yanukovich (të birit), i cili ka qen adhurues i makinave.
“Vdiq ashtu siç jetoi: në timonin e makinës”,- ka shkruar Nestor Shufrich në Facebook./tesheshi.com/
